Skip to content
Home
Кабинет за Детска Офталмологија и Страбологија

ДОЗНАЈ ПОВЕЌЕ ЗА ДЕТСКА ОФТАЛМОЛОГИЈА И СТРАБОЛОГИЈА

До неодамна достапни третмани за амблиопија (мрзливо око) беа носењето очила, користење капки за очи, визуелни тераписки вежби и како најефикасно носењето на лепенка.

Дефиниција

Амблиопија (или мрзливо око) е слабовидост што обично се презентира само на едното око. Се развива кога има дефект во заедничката работа на мозокот и окото, па мозокот не го препознава видот од едното око. Со тек на време, мозокот се повеќе се потпира на другото, посилно око – додека видот во послабото око се влошува.

Се нарекува „мрзливо око“ затоа што посилното око работи подобро. Но, тоа не значи дека луѓето со амблиопија се мрзливи, тие едноставно не можат да го контролираат начинот на кој работат нивните очи.
Амблиопијата започнува во детството и тоа е најчеста причина за губење на видот кај децата. Во просек 3 од 100 деца имаат амблиопија. Добрата вест е дека раниот третман функционира и обично спречува долгорочни проблеми со видот.

Причини за појава на амблиопија

Во повеќето случаи не се знае точната причина зошто се појавила амблиопија кај детето. Но, понекогаш различен проблем со видот може да доведе до појава на амблиопија.

Нормално мозокот користи нервни сигнали од обете очи за да гледа. Но, ако состојбата на окото доведува до полош вид на едното око, тогаш мозокот пробува да работи без него. Почнува да ги исклучува сигналите кои доаѓаат од послабото око и се потпира само на посилното око.

Некои од состојбите кои може да доведат до појава на амблиопија се:

Рефрактивни грешки: Овде се вбројуваат вообичаени проблеми со видот, како кратковидост (проблем со гледање на далечина), далекувидост (проблеми со гледање на близина) и астигматизам (што доведува до заматен вид). Нормално, овие проблеми се решаваат со носење очила или контактни леќи. Но, доколку останат нетретирани, мозокот може да почне да се потпира повеќе на окото со посилен вид.

Страбизам: Обично, очите се движат заедно како пар. Но, кај децата со страбизам очите не се синхронизирани во нивните движења. Едното око може да се подместува повеќе кон внатре, кон надвор, нагоре или надолу.

Катаракта: Катарактата претставува заматување на природната леќа на окото, при што видот станува заматен. Обично катарактата се појавува кај постари луѓе, но постојат и видови на катаракта кои може да се појават и кај бебиња и деца.
Некои деца се родени со амблиопија, а други ја развиваат подоцна во детството.

Шансите за амблиопија се поголеми кај децата кои:

• Предвремено се родени
• Родени се со помала од просечната тежина
• Имаат семејна историја на амблиопија, катаракта во детство или други состојби на окото
• Имаат пречки во развојот

Симптоми

Симптомите на амблиопија тешко може да се забележат. Децата со амблиопија може да имаат слаба перцепција на длабочина – тие имаат проблем да кажат колку е близу или далеку нештото. Родителите исто така може да забележат знаци дека нивното дете се бори јасно да гледа, како:

  • Кривогледност
  • Затворање на едното око
  • Навалување на главата

Во многу случаи, родителите не знаат дека нивното дете има амблиопија се додека докторот не ја дијагностицира за време на офталмолошки преглед. Затоа е важно сите деца да направат скрининг на видот барем еднаш на возраст од 3 до 5 години.

Третман

Како дел од нормалниот офталмолошки преглед кај детето, докторот исто така ќе ги провери и знаците за присуство на амблиопија. Затоа на сите деца на возраст од 3 до 5 години треба да им се провери видот кај офталмолог барем еднаш.
Колку порано се откријат знаците за присуство на амблиопија, толку се поголеми шансите за нејзин третман.

Промедика Офталмологија е единствената клиника која располага со најновиот апарат за третман на амблиопија, наречен Амблиокор-01-3. Третманот со овој апарат е забавен по природа, без можност за појава на несакани ефекти и со докажан ефект, како кај деца, така и кај возрасни.

Затоа информирајте се повеќе за ваквиот вид на третман и закажете навреме  преглед во Промедика Офталмологија:
Адреса: Ул. Св. Кирил и Методиј бр.50
Телефон: 0800 301 30  / 071 301 301
E-mail: [email protected]

Ве очекуваме!

Smart очила

До неодамна достапни третмани за амблиопија (мрзливо око) беа носењето очила, користење капки за очи, визуелни тераписки вежби и како најефикасно носењето на лепенка. Иако лепенката за око се покажало како најефективно решение, сепак може да доведе до појава на некои несакани ефекти како:

  • Опасност од здравото око да се претвори во мрзливо око како резултат на носење на лепенка;
  • Прекумерното носење на лепенка може на влијае на нормалното циркулирање на солзите низ окото;
  • Можност за појава на алергиска реакција на лепенката;Самата лепенка може да доеведе до покачување на температурата на окото доколку се носи подолго време;
  • Потешкотии во усогласувањето бидејќи родителите треба да се придржуваат до стриктно опеределено време за ставање и вадење на лепенката.
  • Како најбитно детето се соочува со социјална стигма што може да влијае на неговиот нормален психички развој.

Vidi Smart очилата работат на принцип на принудување на мрзливото око да работи правилно. Доминантното око постепено се затвара од специјалното стакло изработено од течни кристали, притоа затварањето настанува на специфично определени и прилагодени временски интервали. Главната задача на овие очила е многу слична на лепенката за око. Разликата е што со овие наочари мрзливото око се затвара редовно и по електронски пат.

Vidi Smart очилата ќе му помогнат на вашето дете полесно да се привикне на третманот за мрзливо око. Овие очила се уникатни и единствени во светот.
Бројни интернационални клинички студии сведочат за ефективноста на овој третман за слабовидост. Несакани ефекти не се опишани.

Амблиокор-01-3

Методот на обновување на визуелните функции предложен од наша страна е базиран на биофидбек саморегулација, во услови на затворен круг: мрежницата на окото – кортикални центри на визуелниот анализатор – систем на видео-компјутер. Методот се заснова на принцип на адаптивна биоконтрола.

За време на третманот, пациентот е пред ТВ-екран на кој што е пуштено интересно видео. Кај него се регистрира електроенцефалограм (ЕЕГ) со визуелната проекција од кортексот на мозокот. Со помош на специјална математичка анализа пресметуваме осцилации на активирање на невроните на визуелниот кортекс, кои го карактеризираат квалитетот на видот или пак неговото намалување. ТВ екранот кој го прикажува филмот е пуштен за време на периоди на подобар квалитет на видот и се гаси кога состојбата на визуелниот кортекс се карактеризира со намалување на квалитетот на видот.

Нормална мотивација на една личност е да гледа интересен филм без паузи. Мозокот на пациентот потсвесно бара начини да го зголеми времето на гледање на филмот без никакви паузи, па затоа тој ја реорганизира работата на визуелниот кортекс, со што прави постојано невронско активирање. За време на дневните повторувања на оваа постапка (обично 10-20 сесии со времетраење од 15-30 минути), мозокот на пациентот постепено формира нови рефлексни врски обезбедувајќи повисоко ниво на визуелни функции, со стабилен пораст (кај амблиопија и хиперметропија) или пад (кај миопија) на невронската ексцитабилност од визуелниот кортекс.

Така нормалното функционирање на визуелниот кортекс на мозокот е обновен и визуелните функции се значително подобрени. Новитети и предности на оваа техника се можност за реставрација на визуелните функции преку корекција на биоелектричната активност на визуелниот кортекс.

За прв пат нудиме метод за рехабилитација и реставрација на преостаната визуелна функција кај деца со вродени и наследни заболувања на мрежницата и оптичкиот нерв, со секундарни рефрактивни и амблиопични кортикални нарушувања, кои се преклопуваат со присуство на органски нарушувања. Ова се постигнува со подобрување на локализацијата на ретиналниот дел кој прима визуелни информации, т.е. приближувајќи ги кон центарот во случај на неуспех на фавеоларните и макуларните региони, со формирање на нови врски помеѓу мрежницата и визуелниот кортекс и со кортикално-субкортикални пренамени.

Главни предности на овој метод се:

  • може да се користи кај помлади дечиња почнувајќи од 3 годишна возраст како и кај средношколци дури и кај возрасни. Неговата ефикасност не зависи од возраста на пациентот времето на почнување со третманите или пак траењето на постоечката болест;
  • апсолутно е безбедно не предизвикува дополнителни оштетувања на ретиналниот невроепител во споредба со светлосните методи и може да се користи и кај пациенти со органски оштетувања на оптичката неуроретина;
  • кога се користи овој метод нема појачување на пароксизмалната активност на ЕЕГ што ни овозможува да третираме пациенти со комбинирана невролошка патологија (по консултација со невролог);
  • обновувањето на визуелната острина може да се повторува зависно од влошувањето на визуелните функции поврзани со возраста на пациентот;
  • забавно е по природа и не е проследен со болни или непријатни чувства кај пациентот па така и децата и возрасните ги проследуваат сесиите за визуелна корекција со големо задоволство.

Консултација со нашите врвни специјалисти?

0800 301 30

ЗАКАЖИ ПРЕГЛЕД